Kulturmidlar
Lag og organisasjonar kan søke om kommunale kulturmidlar. I søknaden må laget grunngje behovet for kulturmidlar eller sei kva midlane skal brukast til.
Det kan vere at laget har høge driftsutgifter, og at det er krevjande å få nok inntekter til å dekke årlege driftsutgifter. Eit anna argument i søknaden kan vere at ein ønskjer å halde kontingenten på eit nivå som inkluderer og minskar ulikskap.
Eit anna døme er at laget bidreg med tiltak som tener fellesskapet. Det kan vere alt frå å spele på 17. mai, eller at ein vedlikeheld eit uteområde som er offentleg tilgjengeleg. Kulturtiltak/tilbod som bidreg til samhald, glede og hindar utanforskap er også argument i søknaden.
Vurderingskriterier som kommunen legg vekt på er:
- Tilbod for barn, unge, eldre, og personar med nedsett funksjonsevne
- Tilbod med fokus på inkludering og som hindrar utanforskap
- Tiltak/arrangement som gagnar fellesskapet
- Medlemstal
- Aktivitetsnivå
- Driftsutgifter/driftsinntekter
Søknadsfrist: 1. april 2024
Alle som får tilskot frå kulturmidlane må akseptere kommunen si ordning med følgjekort for funksjonshemma.
Dei som får tildelt midlar skal også kjenne på eit ansvar for å gje noko tilbake til fellesskapet, til dømes å bidra på Landsbylaurdagar gjennom året.
Gå til skjema for kulturmidlar her (sikker pålogging med ID-porten)