Grensejustering

Det er eigar av eigedomane som kan søkje om grensejustering.

Dersom du signerer søknaden på vegne av eigar, må du legge ved fullmakt frå grunneigar. Fullmakta må vere i original eller stadfesta rett kopi.

• Arealet på involverte eigedomar kan aukast eller reduserast med inntil 5 prosent av den minste eigedomen sitt opphavlege areal (maksimalt 500 kvadratmeter).
• Ein eigedom kan ikkje gje bort areal som i sum overstig 20 prosent av eigedomen sitt areal før justeringa.     
• Grensejustering skal ikkje redusere eller auke verdien på nokon av dei involverte eigedomane med meir enn folketrygda sitt grunnbeløp (111 477 kroner per 1. mai 2022).

Dersom arealet du ynskjer å overføre er større enn grensene nemnt ovanfor, må du søke om tilleggsareal.

Skjema for rekvisisjon

Legg ved kart som viser kva areal som skal grensejusterast og forslag til nye eigedomsgrenser.

Dersom vilkåra for grensejustering er oppfylt, sender vi ut skriftleg varsel om oppmålingsforretning seinast 14 dagar før oppmøte i marka.

På oppmålingsforretninga vert eksisterande grenser avklart og nye grenseliner påvist og merka.

Etter oppmålingsforretninga vert dei nye eigedomsgrensene ført i matrikkelen og du får tilsendt matrikkelbrev for eigedomen.

Matrikkellova

Matrikkelforskrifta

Grensejustering