Tilskot i landbruket

Formålet med tilskot til spesielle miljøtiltak i jordbruket (SMIL) er å fremje natur- og kulturminneverdiane i jordbrukets kulturlandskap og å redusere forureininga frå jordbruket, ut over det som er venta gjennom vanlig jordbruksdrift.

Sjå meir utfyllande informasjon om SMIL-midlar her

Tilskot til grøfting

Føremålet med tilskotsordninga er å auke kvaliteten på tidlegare drenert jordbruksjord. Tiltak der dreneringa både kan auke jordbruksproduksjonen og redusere faren for vassureining vert prioritert.

Vestland fylke får midlar til dreneringstiltak. Statsforvaltaren fordelar midlane til kommunane ut i frå behov og søknadspågang.

Søknad om tilskot skal sendast til den kommunen der dreneringsarealet ligg. Søknadsskjema fastsett av Landbruksdirektoratet skal brukast, og grøfteplan med kart og skjema for miljøvurdering eller tilsvarande miljøinformasjon skal leggjast ved.

Søknad 

Søknadsfristen er løpande.

Det er viktg å merke seg at tiltak som er påbyrja ikkje vert omfatta av ordninga. 

Søknadskjema

Regelverk og meir informasjon på Landbruksdirektoratet si nettside

Spesielle miljøtiltak i jordbruket og tiltak i beiteområde

Føremålet for Gloppen kommune vil vere å fremje natur- og kulturminneverdiane i kulturlandskapet i jordbruket og redusere forureininga ut over det ein kan vente gjennom vanleg jordbruksdrift og stimulere til auka bruk av utmark.

SMIL-midlane og tiltak i beiteområde vert forvalta ut frå strategiplan, vedteken av kommunestyret.
Sjå strategiplanen for Gloppen kommune 

Kven kan søkje 

SMIL 

Det kan gjevast tilskot til føretak som  driv og/eller eig ein landbrukseigedom. På leigejord må det føreligge løyve frå eigar av eigedomen. 
Eigar av landbrukseigdomen utan føretak kan tildelast tilskot, dersom det føregår ein produksjon på eigedomen som har rett på tilskot.

Tiltak i beiteområde

Beitelag, grunneigarlag, radiobjøllelag m.fl. som er registrert i einingsregisteret, som driv næringsmessig beitedrift som set i gong investeringstiltak og/eller planleggings-og tilretteleggingsprosjekt i beiteområde kan søkje. Andre på visse vilkår. Faste installasjonar som bruer og skiljeanlegg, sperregjerde og elektronisk sporingsutstyr vert prioritert.

Søknadsfrist 1. mars for begge ordningane.

Tilskot kan gå til 

1. Forureiningstiltak
2. Kulturlandskap 
3. Planleggingstiltak- områdetiltak/planleggingstiltak
4. Investeringstiltak for organisert beitebruk

Søknad

Søk tilskot

Felles for begge ordningane

1. Søknad om midlar skal gjerast digitalt i Agros i Altinn. 
2. Søknaden skal innehalde omtale av tiltaket med spesifisert kostnadsoverslag.
3. Tiltaket skal visast på kart i høveleg målestokk.
4. For bygningsprosjekt skal det fylgje med målsette teikningar.
5. Det skal fylgje med foto av tiltaket/området, før iverksetting.
    

For tiltak i beiteområde i Landskapsvernområde må løyve frå verneområdeforvaltar eller verneområdestyre leggast ved.

Meir info om ordningane finn du på Landbruksdirektoratet si nettside.

Kontaktinfo

Bernt Reed, tlf 979 91 052
Jofrid Brennsæter, tlf 979 91 051

Produksjonstilskot er ei fellesnemning for fleire tilskotsordningar som føretak med husdyr- og/eller planteproduksjon kan søkje om. Eit vilkår for å motta tilskot er at ein driv vanleg jordbruksproduksjon med næringsmessig preg.

Søkjeprosessen er todelt, med søknadsfristar hhv. 15. mars og 15. september kvart år.

Produksjonstilskotet er ei viktig inntektskilde for mange bønder. Det er svært viktig å setje seg godt inn i ordningane, m.a. kva vilkår og krav som gjeld for at produksjonen skal vere tilskotsberettiga. Feil i søknad kan medføre trekk i utbetalt tilskotsbeløp.

Produksjonstilskot omfattar følgjande tilskotsordningar

For planteprodusentar:

• Arealtilskot
• Kulturlandskapstilskot
• Arealtilskot til økologisk landbruk
• Distriktstilskot for frukt, bær og veksthusgrønsaker
• Distriktstilskot for matpotet og grønsaker dyrka i Nord-Noreg
• Pristilskot for økologisk grøntproduksjon

For husdyrprodusentar:

• Tilskot til husdyr
• Driftstilskot til mjølkeproduksjon
• Driftstilskot til spesialisert storfekjøtproduksjon
• Tilskot til små og mellomstore mjølkebruk
• Tilskot til økologisk husdyrproduksjon
• Tilskot for dyr på beite
• Tilskot for dyr på utmarksbeite
• Tilskot for bevaringsverdige husdyrrasar
• Avløysartilskot

For meir informasjon om ordninga og lenke til elektronisk søknad, sjå Landbruksdirektoratet sine sider. 

Kontaktpersonar i kommunen: 

Bernt Reed tlf. 979 91 052 og Jofrid Brennsæter tlf. 979 91 051

Velferdsordningane i landbruket skal bidra til å sikre velferda for både bonden og husdyra i ulike fasar og situasjonar i livet. 

Kontaktpersonar i kommunen: Jofrid Brennsæter, tlf. 979 91 051 og Trine Alme, tlf. 979 91 048 eller på e-post: Trine Alme

Alle føretak i Vestland som er berettiga produksjons- og avløysartilskot kan òg søkje om regionale miljøtilskot, dersom dei oppfyller vilkåra for eitt- eller fleire av tiltaka i ordninga.

Frå Statsforvaltaren i Vestland: Regionalt miljøprogram for Vestland er eit strategiprogram fastsett av Statsforvaltaren i samråd med bondelaget og bonde- og småbrukarlaget. Programmet skal stimulere til å oppretthalde og utvikle eit ope og variert kulturlandskap. Særskilte verdiar i kulturlandskapet skal takast vare på og skjøttast, god agronomi skal fremjast, og ureining og tap av næringsstoff frå jordbruket skal reduserast. I miljøprogrammet er det definert fylgjande delmål:

• Eit ope og velstelt kulturlandskap
• Bratt jordbruksareal i aktiv drift
• God utnytting av utmarksbeite og aktiv stølsdrift
• Utvalde biologiske og kulturhistoriske verdiar i landskapet blir teke vare på og skjøtta
• Landbruket er klimavenleg og har lite tap av næringsstoff og klimagassar til luft
• Eit landbruk som er tilpassa eit endra klima
• Minst mogleg tap av næringsstoff frå landbruket til vassdrag
   

Dei regionale miljøtilskota er hovudvirkemidla i miljøprogrammet for å nå delmåla definert over, og dei er til liks med nasjonale produksjonstilskot ei årleg driftsstøtte til føretak med landbruksproduksjon som oppfyller visse vilkår.

Søknadsfrist: 15. oktober.

For oppdatert liste over tiltak ein kan søkje tilskot for i vår region, sjå: Statsforvaltaren si temaside om RMP.

Kontaktpersonar i kommunen: Bernt Reed tlf. 979 91 052 og Jofrid Brennsæter tlf. 979 91 051

Frå Innovasjon Norge kan ein søkje om støtte i  samband med tradisjonelt landbruk, tilleggsnæring, lån, fornybar energi, kompetanseheving mm.

Sjå meir om Innovasjon Norge sine støtteordningar her

Kontaktperson i kommunen

Trine Alme, e-post: trine.alme@gloppen.kommune.no

Dette kan skogfond nyttast til

• Planting og suppleringsplanting
• Ungskogpleie
• Stammekvisting
• Grøfterensking og suppleringsgrøfting
• Bygging, ombygging og opprusting, inkl. velteplassar
• Vedlikehald av skogsbilvegar (ikkje traktorvegar)
• Skogbruksplanlegging, med og utan miljøregistrering
• Miljøtiltak
• Kompetansehevande tiltak som gjeld skog (f.eks. motorsagskurs)
• Forsikring mot stormskadar og brann på skog

Skogfond kan ikkje brukast til kjøp av teknisk utstyr så som plantebor, motorsag, vinsj og lignande. 

Du kan søkje om dette digitalt via www. skogfond.no eller fylle ut søknadsskjema som du får ved å kontakte kommunen. Vedlagt søknaden skal det alltid ligge ved kart over der tiltaket har blitt utført og faktura for utført arbeid/plantekjøp/timeliste etc.

Søknad og informasjon

Gå til landbruksdirektoratet sin heimeside 

Kontaktperson i kommunen 

Karoline Aldis Bjerkeset, tlf 97 99 10 49

Lindis Bergland Østgård - tlf. 48 18 91 12

Kommunen gjev tilskot til tiltak som vert utført med sikte på å auke verdiskapinga i skogbruket og ta i vare miljøverdiar knytt til biologisk mangfald, landskap, friluftsliv og kulturminne. Dette kan vere planting, ungskogpleie, vegbygging, taubanehogst eller tiltak som skal utførast der ein må ta særskilde omsyn til miljøverdiar. Vi tildeler tilskot etter søknad i tråd med retningsliner vedteken av kommunestyret. 

Du kan søkje om dette digitalt via www. skogfond.no eller fylle ut søknadsskjema som du får ved å kontakte kommunen. Vedlagt søknaden skal det alltid ligge ved kart over der tiltaket har blitt utført og faktura for utført arbeid/plantekjøp/timeliste etc. 
Du kan lese meir om ulike ordningar i skogbruket på Landbruksdirektoratet sine sider. 
 

Kontaktperson i kommunen 

Karoline Aldis Bjerkeset, tlf 97 99 10 49

Lindis Bergland Østgård - tlf. 48 18 91 12
 

Kommunale retningslinjer

Sjå kommunale retningslinjer (PDF, 494 kB)

Utviklingsfondet kan nyttast til næringsutvikling, fellestiltak og tiltak for folk flest i nærområdet til, eller innanfor Naustdal-Gjengedal landskapsvernområde.

Kven kan søkje?

Grunneigarar og grunneigarsamanslutningar med rettar innanfor landskapsvernområdet kan søkje om tilskot. Det same kan lag, organisasjonar og andre som ønskjer å utvikle verdiane i området (krav om samarbeidsavtale med rettshavarar knytt til verneområdet).

Søknadsfrist vert annonsert tidleg på året i artikkel og avisannonse. Normalt er søknadsfristen 15. mars.

Søknad

Bruk vårt elektroniske søknadskjema  

Vedtekter for landskapsvernområdet

Gå til vedtektene her

Har du spørsmål?

Vår kontaktperson er utmarksforvaltar Lindis B. Østgård

Telefon: 48 18 91 12

Fondskapital vart tildelt Gloppen kommune i samband med utbygging av Sagefossen og Skogheim kraftverk i Hyen. Tilskotet skal utlysast annankvart år.

Kven kan søkje?

Midlane frå landbruksfondet skal brukast i Hyen. Dette gjeld i første rekke Vestre Hyen-området, og særleg då dei som eig og grensar til Storefjorden og Storevatnet.

Retningslinjer

Gå til retningslinjene for Landbruksfondet her 

Søknad

Gå til søkndskjema

Alle kommunar som har opna for jakt på elg eller hjort skal etablere eit kommunalt viltfond. Inntektene til fondet er den offentlege fellingsavgifta for elg og hjort og den årlege avkastinga av fondet.

I forskrifta om kommunale og fylkeskommunale viltfond finn vi retningslinjer for kva viltfondsmiddel kan, og ikkje kan, bli brukte til. Dette er vidare utdjupa i den kommunale rettleiinga for viltfondet i Gloppen kommune.