Til deg som folkevald

I den politiske møteportalen finn du alt som omhandlar politiske møter. Innkalling, saklister, saksframlegg, møtebøker og møteplan

Den enkelte politikar vil gjennom portalen få tilgang til alle dei utval som ein er medlem eller varamedlem av. 

Logg inn i politikarportalen/møteportalen - Sikker pålogging

Møteplikt

Som folkevalgt medlem og varamedlem har du møteplikt i dei kommunale organa du er valgt inn i dersom du ikkje har gyldig forfall, jmf kommunelova § 8-1 

Vi ber dei folkevalde, både faste medlemmar og vara om å halde dei oppsette møtedagene ledige, og i utgangspunktet ikkje legge feriar eller andre planar til dei aktuelle møtedagane. 

Arbeidstakarar har krav på fri frå jobb for å fylle møteplikta. 

Stemmeplikt

Når du er tilstades i eit møte har du også plikt til stemme når ei sak skal opp til votering

Hvis du ikkje kan stille på møte skal du melde gyldig forfall med begrunning.  Det same gjeld forfall i ein eller fleire saker pga. inhabilitet.

Korleis melde i frå?

Registrer forfall direkte i møteportalen, eller send e-post til servicetorget@gloppen.kommune.no

NB! Melder du forfall tett opp til møtetidspunktet (eit døgn eller mindre) 
- då må du ringe! 57 88 38 00

Servicetorget kallar inn vara.

Delvis forfall til møte?

Dersom du er innhabil i nokre av sakene, kjem seint, eller må gå tidlig frå møtet så må du avtale dette med ordførar eller utvalsleiar i god tid før møtet startar. Saman vurderer de behovet for å kalle inn vara. 

Ugyldig forfall

Ugyldig forfall vil for eksempel vere private reiser og ærend, avvikling av ferie, arbeid (med mindre det føreligg heilt spesielle grunnar). 

Gyldig forfall

Om ein vert forhindra av sjukdom- eller velferdsgrunnar. Situasjonar som kan føre til at ein kan forsømme viktige eller uoppsettelige forretningar eller plikter, deltaking i møter i andre offentlege organ og reiser i samband med jobb. 

Forfall til fleire møter, permisjon eller fritak

Dersom du i ei periode ikkje kan utføre vervet ditt som folkevald, kan kommunestyret godkjenne ein søknad om fritak. Fritaket kan vere for ei periode eller resten av valperioden. 

Søknad om fritak skal vere skriftleg. Søknaden må innehalde grunngjeving for fritaket/permisjonen og kva tidsrom den gjeld for. Når kommunestyret behandlar søknaden din skal dei vurdere om du visste om utfordringa då du sa ja til å stille til val.  Ein folkevalgt som har fått innvilga midlertidig fritak har ikkje rett til å tre inn igjen i vervet før fritaksperioda er over. 

Hugs at fram til søknaden er handsama av kommunestyret må du melde ordinært forfall til møta du er medlem i. 

Slik søkjer du
Bruk elektronisk skjema (sikker pålogging)

Send epost til  postmottak i Gloppen

Reglane for utbetaling av møtegodtgjersle og andre utgiftsdekningar knytt til folkevalde i Gloppen er styrt av ei eiga forskrift. 

Sjå forskrifta om rett til godtgjersle her  

Møtegodtgjersle blir som hovudregel utbetalt automatisk.

Når det gjeld tapt arbeidsforteneste, utgiftsdekning og møtegodtgjersle for deltaking i konferansar og anna der kommunen ikkje fører møtebok, må du sende inn rekning gjennom Visma Expense. 

Logg inn i Visma Expense 

Slik brukar du Visma Expense, gå til brukarrettleiing

Nokre saker som kommunestyret skal handsame, inneber at du vil få informasjon som ikkje skal vere offentleg.

Fortrulege opplysningar som du blir gjort kjend med i samband med behandling av saker i kommunen, må respekterast og ikkje brukast i personleg vinning eller til ugrunna skade for andre. Kommunestyrerepresentantane vi derfor bli bedne om å signere ein eigen avtale om teieplikt

Gloppen kommune sine etiske reglar skal medverke til bevisstgjering for dei som utfører arbeid for kommunen.

Dei etiske retningslinjene gjeld både for politikarar og tilsette i Gloppen kommune. Haldningar og handlingar vil påverke innbyggjarane sin tillit til kommunen, og alle har eit personleg ansvar for korleis vi opptrer. 

Gå til dei etiske retningslinjene

Innsyn

Gjennom "Innsyn" gir vi deg, og alle andre interesserte, tilgang til kommunal postliste. I tillegg kan du via denne tenesta søke direkte etter dokument, arkivsaker og vedtak. I møtekalendaren kan du sjå både saker til planlagde møter fram i tid, og du kan sjå vedtekne saker frå møter som har vore.

Vi anbefalar deg å bruke tid på - og gjere deg kjend i denne måten å finne informasjon.

Gå til Innsyn

Planar og strategiar

Når det gjeld kommunale planer og strategiar ligg også desse samla på nettsida vår

Gå til planar og strategiar

Gå til oversikta over alt kommunalt regelverk