Slik kan du medverke

For at demokratiet skal fungere er det viktig at dei som bur i samfunnet deltek. Vi ynskjer å utvikle kommunen saman med dei som bur her.

Det er innbyggjarane som er ekspertar på korleis det er å bu i Gloppen. Difor er det viktig for oss å ha engasjerte innbyggjarar, og at vi saman kan ta ansvar for å skape utvikling, tilknytning og inkuderande lokalsamfunn.

Korleis medverke?

Stem ved val

Noko av det viktigste du som innbyggjar kan gjere for å påvirke samfunnet, er å stemme når det er val.

Ved å stemme når det er kommuneval er du med å påvirke kva for parti som vil får best høve til å få gjennomslag for sin politikk den komande kommunestyreperioda. Dei som vert valde inn i kommunestyret og andre politiske utval representerer innbyggarane i Gloppen. Det er dei folkevalde som fattar beslutningar på vegne av innbyggarane i kommunen.

Informasjon om val finn du her

Kontakt folkevalde

Sjekk høyringssaker og kom gjerne med innspel

Legg fram eit innbyggarforslag

Eit innbyggarforslag gjev deg rett til å få ei sak behandla av kommunestyret hvis to prosent eller 300 innbyggarar signerar på forslaget.

Kven kan nytte forslagsretten?

Både enkeltpersonar og organisasjoner med tilknytning til Gloppen kommune. Forslag kan også fremmast av personar under 18 år.

Krav til formulering

Det må gå tydelig fram kva ein ynskjer at kommunestyret skal ta stilling til. Forslaget bør vere så presist formulert at det er mulig for kommunestyret å vedta forslaget slik det vert lagt fram.

Korleis går eg fram?

Bruk nettportalen minsak.no. Opprett sak, og ver tydelig om kva forslaget handler om. På denne portalen finn du også god og generell informasjon om innbyggarforslag

Behandlingstid

Når ei sak er oversendt kommunen, skal saka behandlast av kommunestyret innan 6 månedar.

Engasjer deg i lag, organisasjonar og utviklingslag

Gloppen har mange frivillege lag og organisasjonar. Desse driftar aktivitetar som medlemmane er interesserte i, og kan vere ei sterk stemme når dei representerer mange medlemmar.

Det er eit viktig satsingsområde for Gloppen at kommune, næringsliv og lag og organisasjonar tek ansvar i lag for å skape utvikling, trygge og inkluderande lokalsamfunn. Ein viktig strategi for å oppnå utvikling i dei ulike lokalsamfunna og i kommunen, er legge til rette for eit tettare samarbeid med utviklingslaga i kommunen.

Sjå oversikt over lag og organisasjonar

Sjå oversikt over utviklingslaga i Gloppen

Publisert 28.02.2023 13.29

Korleis medverke?

Kontakt oss

Følg oss i sosiale medier