Feiing og branntilsyn i bustadar i Gloppen

Alle skorsteinar som er i bruk, skal feiast.

Fritidsbustader kan feiast etter behov etter avtale mellom feiar og huseigar

Viktige sjekkpunkt

• Parafin-/ oljebrennar skal vere sløkt og avstengd (for dei som har det).
• Stenge luker, ventilar og spjeld.
• Hugs å meld frå til leigebuar.
• Dersom feiaren skal fjerne sotet frå sotluka eller eldstad (stålpipe), må eigar vere tilstades

Tilkomst til pipa

• Set fram godkjent stige. Stigen må vere i metall og skadefri (jern og trestige er ikkje godkjent).
• I dei tilfelle det er meir enn 5 meter frå bakke til tak må stigen vere festa med godkjent sklisikring. Stigen skal nå frå bakkenivå til cirka 1 meter over takrenna.
• Sjå til at det er stigetrinn på taket fram til skorsteinen. Er det fleire skorsteinar skal det vere montert gangbru mellom dei, eller trinn til alle skorsteinane. 
• Dersom skorsteinen er over 120 centimeter høg skal den ha feieluke eller plattform.
• Alle stigar og trinn må vere montert i forhold til monteringsanvisninga.

På nettstaden Min Eiendom finn du all informasjon om feiing og tilsyn knytt til eigedomar som du står som eigar av

Gå til Min Eiendom  (sikker pålogging med ID-porten)

Heimel for å krevje gebyr for både feiing og tilsyn går fram av § 28 i brannlova. Gebyret omfattar ordinære feie- og tilsynsoppgåver. Eventuelt andre tenester som skal utførast av feiaren, skal fakturerast etter gjeldande takstar for uteseksjonen i kommunen.

Todelt gebyr

betaling for feiing og tilsyn er delt i to: feiegebyr og tilsynsgebyr.
Ordninga skal vere sjølvfinansieringa, d.v.s. at kommunen samla sett ikkje kan krevje inn meir i gebyr enn det kostar å drive feiing og tilsyn.

Årleg fakturering

Rekning på feiing og tilsyn blir sendt ut kvartalsvis.

Det fungerer slik at viss du har feiing annakvart år, får du årleg rekning på 1/2 gebyr. Blir det feia kvart fjerde år, er årleg rekning på 1/4 gebyr. Sidan tilsyn blir gjennomført kvart fjerde år, får du 1/4 tilsynsgebyr kvart år.Storleiken på gebyra er bestemt ut frå berekna tidsforbruk.

Gå til gjeldande gebyroversikt

Forskrift om brannforebyggande tiltak og tilsyn

Om gebyr: Brann og eksplosjonsvernlova §28