Verneområde i Gloppen

Jostedalsbreen ligg mellom fjord og fjell i Sogn, Sunnfjord og Nordfjord. Jostedalsbreen er den største isbreen på det europeiske fastlandet og den største kvite flekken du ser på norgeskartet!

Isbrear utgjer om lag halvparten av arealet i nasjonalparken, som elles kjenneteiknast av tronge, frodige dalar og vatn i fri flyt som sprudlande fossar og elvar.

Nettsida til nasjonalparken - Her finn du informasjon

Forvaltningsansvar: Statsforvaltaren i Vestland

Området høyrer til Gloppen og Sunnfjord kommune. Naustdal-Gjengedal landskapsvernområde strekk seg frå 60 meter over havet til 1572 meter over havet, og her er frodige dalar, brear og steile fjell, fiskevatn og fossar. Landskapet er prega av fiskevatn, støylar og frodig beiteland. Store deler av området er godt tilrettelagt med stiar, klopper og bruer. Fleire vegar og parkeringsplassar gjer området lett tilgjengeleg for låg-terskel friluftsliv, i form av dags- og familieturar.

Samtidig finn ein urørt villmark, brear og steile fjell, som til dømes Botnafjellet (1572 moh).

Nettsida til Landskapvernområdet - Her finn du meir informasjon

Forvaltningsansvar: Statsforvaltaren i Vestland

Det er etablert eit utviklingsfond som kan nyttast til næringsutvikling, fellestiltak for folk flest i eller innanfor Naustdal-Gjengedal landskapsvernområde - Les om utviklingsfondet her

Området høyrer til kommunane Kinn, Bremanger og Gloppen.  Ålfotbreen landskapsvernområde omfattar eit av dei mest nedbørsrike område i Noreg og dei vestlegaste og mest havpåverka isbreane i landet. Geologiske prosessar har over fleire hundre millionar år forma Ålfotbreen landskapsvernområde til eit landskap som er unikt på verdsbasis, og som gjer fantastiske naturopplevingar.

Nettside for landskapsvernområdet - Meir informasjon her

Forvaltningsansvar: Statsforvaltaren i Vestland

Dette er eit stort skogområde som ligg på grensa mellom kommunane Stryn og Gloppen, på sørsida av Nordfjorden. Føremålet med reservatet er å verne eit av dei få store og lite påverka skogområda som er att i vestnoreg, med sitt biologiske og geologiske mangfald. 

Gå til Miljødirektoratet sitt faktaark om verneområdet

Forvaltningsansvar: Statsforvaltaren i Vestland

Lisidene på sørsida av Eimhjellenvatnet i Hyen representerer eit uvanleg stort samanhengande område dominert av skog med naturleg treslagsamansetning og skogdynamikk

Gå til Miljødirektoratet sitt faktaark om verneområdet

Forvaltningsansvar: Statsforvaltaren i Vestland

Kolabakkane ligg nord for Breimsvatnet, i fjellsida mellom 200 og 600 meter over havet. Her er ein mosaikk av myr, furuskog og bjørkeskog. Delar av skogen har eit gammalt opprinnelig preg med tre i alle aldersgrupper. 

Besøksstrategi for Kolebakkane naturreservat (PDF, 4 MB) (vedteke av kommunestyret oktober 2025)

Rapport, basiskartlegging av verneområder i Vestland 2024 (PDF, 8 MB) (Kartlegging etter NiN -metoden, Natur i Norge)

Forvaltningsansvar: Gloppen kommune

Denne myra ligg i Eidsmona-området i Gloppen kommune, nærare bestemt mellom riksvegen og Gloppeelva, i dalføret mellom Sandane sentrum og Breimsvatnet

Myra er eit høgmyrkompleks med naturleg dyre- og planteliv

Forvaltningsplan for Kloppmyrane (PDF, 4 MB) (av Fylkesmannen i Sogn og Fjordane 2008)

Forvaltningsansvar: Gloppen kommune

Bukta ligg i Sandane sentrum, i utløpet av Gloppeelva og Fitjeelva i botnen av Gloppefjorden. Bukta er eit delta med relativt store strandflater. Området er verna fordi det er ein trekk- og overvintringslokalitet for våtmarksfugl. Det er registrert 46 artar av vassfugl i området, fleire av desse er sjelden i regionen. 

Gå til Miljødirektoratet sitt faktaark om verneområdet

Forvaltningsansvar: Statsforvaltaren i Vestland