Motorferdsel

Motorkøyretøy er bil, traktor, motorsykkel, beltebil, snøskuter, firhjuling og liknande. 

Køyring på snø gjev mindre varige skader på terreng og vegetasjon enn berrmarkskøyring. Difor er reglane for motorferdsel på snøføre mindre strenge enn for berrmarkskøyring. Mest mogleg av den nødvendige transporten i utmark bør leggast på snøføre. 

Merk at vegar som ikkje er opparbeidd for køyring med vanleg bil – til dømes traktorveg – er å rekne som utmark. Det same gjeld veg som ikkje vert brøyta for køyring med bil. Du kan difor ikkje køyre snøskuter eller ATV på slike vegar utan løyve. Hugs at også islagte vassdrag er utmark.

Dette er lov - utan søknad

På snødekt mark kan ein køyre utan søknad når transporten er nødvendig og har eitt av følgjande føremål: 

• Drift av turistanlegg som ikkje ligg til brøyta bilveg
• Bygging i samsvar med byggeløyve 
• Opparbeiding og preparering av skiløyper og skibakkar for allmenta og for konkurransar –  når opparbeidinga vert utført av kommunar, hjelpekorps, idrettslag, turlag eller turistbedrifter 
• Vitskaplege undersøkingar etter oppdrag frå forskingsinstitusjon 
• Frakte ved frå eigen eigendom til fast bustad

Leig skutertransport

Har du behov for transport utover det som er lov utan søknad - kan du ta kontakt med våre leigekøyrarar som har gyldig løyve. 
Kontaktinformasjon om leigekøyrarar finn du her

Eiga køyring?

Dersom du søkjer om eiga køyring må du gjere greie for kvifor ervervskøyrar ikkje vert nytta.

Landing og start med luftfartøy slik som fly, helikopter og liknande er som hovudregel forbode i utmark og vassdrag. Merk at det vert rekna som landing sjølv om helikopteret heng i lufta over bakken for å laste eller losse.

Ved særlege behov kan kommunen gje løyve til bruk av motorfartøy og luftfartøy. Helikopter vert til dømes ein del brukt for å frakte materiale til hytter og anna som ligg i vanskeleg terreng.

Hugs å søkje i god tid dersom du ønskjer slik transport.

Ferdsel med motorfartøy, altså båt eller anna flytande fartøy drive med motor, er i utgangspunktet tillate på innsjøar som er minst 2 kvadratkilometer.

Bruk av elektrisk påhengsmotor er likestilt med bensindriven motor og er i utgangspunktet forbode på innsjøar mindre enn 2 kvadratkilometer. 

Gloppen kommune har fastsett ei lokal forskrift som opnar for bruk av elektrisk påhengsmotor på utvalde innsjøar og til bestemte føremål. 

Gå til motorferdsellova