Ferdsel i naturen - allemannsretten

I skogen har ein lov å sykle på veg eller sti. På fjellet over tregrensa kan ein også sykle utanom stiane. 

Den frie ferdselsretten gjeld berre når ein opptrer omsynsfullt og varsomt. Du skal ikkje volde skade eller ulempe for eigar, brukar eller andre, eller påføre miljøet skade.

I Kolebakkane naturreservat må ein berre sykle på eksisterende vegar. Det er ikkje lov å sykle på stiar. 

Utmark

I utmark kan ein ferdast heile året til fots. Men det må skje omsynsfult og med varsamheit.

Innmark

På innmark er det andre regler som gjeld. Her kan ein ferdes til fots når marka er frosen, men aldri i perioden mellom 30. april til 14. oktober. 

- 

På sti eller veg i innmark som fører til utmark, har ein lov til å gå, sykle eller ri heile året

Sjø

På sjøen er det fri ferdsel med båt for alle. Det er også fri ferdsel på islagt sjø.

Vassdrag

Ferdsel på vassdrag vert regulert av vannressurslova og slår fast, at alle kan ferdast utan motor på eit vassdrag. 
Ein har lov til å trekke båten i land på strandstrekningar for kortare tid. Bruk av privat kai eller brygge krev løyve frå eigar. 

Spesielt for Gloppen 

I Bukta fuglefredingsområde er det forbod mot å bruke motorbåtar, modellbåtar, seglbåtar og seglbrett f.o.m. 1. september t.o.m. 30. april. 

Ønskjer ein å bade i sjøen eller i utmark er det fritt fram, så lenge det skjer i høveleg avstand til hus og hytte.

Bading må ikkje være til ulempe for andre. Dette gjeld og når ein badar frå båten. 

På innmark er det ikkje lov å overnatte, raste, solbade eller liknande. Det er lov i utmark, dersom det ikkje er til ulempe for andre. 

Telting og overnatting må ikkje skje nærare enn 150 meter frå hus eller hytte der det bur folk. 

I utmark kan alle plukke og ta med seg ville blomster, planter, bær og vill sopp, samt røter av ville urter. Igjen er det ein plikt til at det må skje omsynsfullt og med varsamheit.

Friluftslova inneheld ei liten kuriositet når det gjeld sanking av nøtter. Her er det nemlig berre tillatt å ta så mange nøtter som ein klarer å ete på staden... 

Det er forbod mot å gjere opp ild i skog og mark i perioden 15. april til 15. september utan løyve frå kommunen. (Forskrift om brannforebyggende tiltak og tilsyn § 8-2).  

Innanfor lovlegperioden
Til bålet kan ein bruke tørre kvistar og greiner som ein finn på bakken. Ikkje hogg greiner av levande tre - dei brenn likevel dårleg.  Bålet må ikkje forlatast før det er heilt slokt

Gå til meir informasjon om bålbrenning

Bandtvang i Noreg

I perioden 1. april til 20. august er det ordinær bandtvang for hund i heile Noreg. Med bandtvang etter lova er meint at hundehaldar skal halde hunden i fysisk band eller forsvarleg inngjerda eller avstengt.

Utvida periode for Gloppen

I 2015 vedtok Gloppen kommunestyre i tillegg ein lokal forskrift som utvidar bandtvangen til 15. oktober. Det gjeld i områda der husdyr har rett til å beite og faktisk beiter. Gå til kommunal forskrift til lov om hundehald

Jakthundar

Bandtvangen 20. august til 15. oktober gjeld ikkje for  jakthundar som vert brukt til jakt.