Vil du bli støttekontakt?

Som støttekontakt kan du bidra med positive opplevingar og utvikling for andre menneske. Mange støttekontaktar syns oppdraget er gjevande også for dei sjølve. 

Jobben som støttekontakt gjev verdifull erfaring for deg som ynskjer å jobbe med menneske. Du får opplæring og rettleiing og relevant erfaring å sette på CV-en. 
Det er eit stadig behov for å rekruttere nye støttekontakter, spesielt gjeld dette vaksne menn og kvinner med bil.

Det vanlegaste er å ha individuell støttekontakt nokre timar i veka. Oppdraget som støttekontakt kan likevel også gjelde for grupper, og det kan utførast i samarbeid med frivillige organisasjonar. 
 

Vi trenger forskjellige støttekontakter med ulike erfaringar og interesser. 

• Du må være over 16 år
• Du er en påliteleg person som likar å jobbe med menneske.
• Du må kunne legge fram politiattest

Du treng ingen spesiell fagleg bakgrunn, men det kan vere en fordel med erfaring frå arbeid med menneske. Det er fint om du er sosialt engasjert og har evne til å finne på aktivitetar og finne glede i å hjelpe andre menneske. 

For å skape stabilitet for brukaren, bør du kunne binde deg over ein lengre periode.
 

Som støttekontakt får du timebetalt 180,10 kr i timen (under 18 år 162,09)

I tillegg får du dekka utgifter til køyring og enkelte andre utgifter du blir einig med kommunen om.

Som støttekontakt er du oppdragstakar, og har ikkje de same rettigheitene som vanlege tilsette har. Vi anbefaler derfor ikkje at det å være støttekontakt er hovudinntekta din. Du får ikkje sjukepengar, og du kan ikkje bruke eigenmelding dersom du er sjuk. Du kan ta ferie, men får ikkje feriepengar. Samtidig er det fleksibilitet i oppdraget, og du har moglegheit til å ha vere med å bestemme arbeidstida di. 
 

For å søke om å bli støttekontakt sender du en søknad til Gloppen kommune: 

Søk om å bli/jobbe som støttekontakt 

Fleire spørsmål?

Ta kontakt med oss på telefon 99 09 94 95

Melder du deg som støttekontakt, vil du få tilbakemelding på søknaden og eventuelt bli kalla inn til intervju. Du vil bli registrert i kommunen si støttekontaktbase. 
Når du er i gang med oppdrag, får du rettleiing og opplæring frå kommunen eller andre ansvarlege.
 

Det er i stor grad brukaren si interesser og behov som avgjer kva aktivitetar støttekontakten gjer saman med brukaren.

Nokre eksemplar på aktivitetar:

• Gå på kino, teater, konsert eller museum
• Følge til fritidsaktivitet
• Ta en prat på kafé
• Fjell-, sykkel- eller fisketur
• Bake
• Klatre eller svømme
• Spelekveld, leike eller male
• Biltur
• Danse eller synge

• Symjegruppe i STIL Symjing for barn og unge med behov for tett oppfølging i basseng
• Samarbeid med lokale lag og organisasjonar
• Dei fleste som har støttekontakt har følgjekort, som gir gratis inngang for støttekontakten på fleire aktivitetar 
   

Timelister støttekontakt (PDF, 124 kB)

Fritid for alle