Om familiestøtta i Gloppen

COS P foreldrekurs

COS-P er eit foreldrerettleiingsprogram, primært for dei med barn i alderen 0-6 år. Foreldra får opplæring i Tryggleikssirkelen. Målet er å fremme trygg tilknyting mellom barn og foreldre. COS-kurs går over 8 samlingar. Tilbodet kan ein få i gruppe eller individuelt.

ICDP foreldrekurs

ICDP er eit enkelt, helsefremmande og førebyggande program som har som mål å styrke omsorga og oppveksten for barn og unge. I Gloppen tilbyr vi ICDP primært til foreldre med barn i skulealder. Programmet finst både i standardversjon, som er for norskspråklege, og ein fleirkulturell versjon. Tilbodet kan ein få i gruppe eller individuelt. 

PMTO foreldrekurs

PMTO er eit tilbod til familiar med barn i alderen 4-12 år som opplever at samspelet mellom foreldre og barn har blitt vanskeleg. PMTO står for Parent Management Training – Oregon og er ein metode for å styrke foreldra sine ferdigheiter i å handtere barna si åtferd på ein positiv og effektiv måte.  Tilbodet blir gitt individuelt.

Foreldrerettleiing i heimen

Tiltak der familierettleiar møter foreldre og barn i heimen og gjev rettleiing ut frå aktuell situasjon. Tilbodet blir gitt individuelt.
 

Tilbod til ungdom mellom 12 og 24 år som av ulike grunnar strevar med å vere til stades på skulen. Ungdomslosen skal støtte og hjelpe ungdom og deira føresette, slik at ungdommen får auka skulenærvær, auka meistringskjensle og auka trivsel på skulen. 

Ungdomslosen samarbeider med skulen og hjelpeapparatet for å få eit heilskapleg tilbod.

Tilbod til barn og unge i skulealder. Dei får trene på korleis dei kan påverke opplevinga av vanskelege situasjonar ved å sortere tankar og kjensler.

Støttesamtalar kan vere til hjelp for å sette ord på det som blir opplevd som utfordrande og vanskeleg. Gjennom samtale kan du få hjelp til å sortere tankar og følelsar for å finne ulike måtar å handtere situasjonen på. Tilbodet blir gitt individuelt.

Kognitiv terapi rettar seg mot problemløysing og innsikt i samanhengen mellom tenking, handling og kjensler. Eit viktig mål med kognitiv terapi er å bryte sjølvforsterkande, vonde sirklar som opprettheld psykiske helseproblem. Tilbodet passar for eldre ungdom og vaksne og blir gitt individuelt. 

Gloppen kommune har eit heilskapleg tilbod med oppfølging av premature barn med fødselsvekt under 1500 g og deira familiar. Helsestasjon, fysioterapeut, barnehage og PPT deltek i samarbeidet. Ta kontakt med helsestasjonen på telefon 979 91 076 om du har behov for dette tilbodet.

Frisklivsentralen er ein arena for alle som ynskjer ei livsstilsendring. Her møter du rettleiarar, som gjennom samtale og praktisk oppfølging, kan hjelpe deg i arbeidet med å gjere endring og legge til rette for aktuelle aktivitetar. 

Sjå meir om frisklivsentralen sitt tilbod her. 

For dette tilbodet må ein ta kontakt med frisklivsentralen direkte

 

Helsepersonell i både spesialisthelsetenesta og kommunen har ei lovpålagt plikt til å kartlegge om pasienten har mindreårige barn eller søsken, og å ivareta deira behov for informasjon og oppfølging når ein forelder eller eit søsken er sjuk. Dette inkluderer både fysisk og psykisk sjukdom og rusmiddelavhengigheit. 

I Gloppen kommune er tenesteleiar i Familiehuset, Hilde Nødset, barneansvarleg. Ho kan formidle kontakt med rett instans ved behov for oppfølging av barn som pårørande. Ta kontakt på telefon 979 91 071. 

Dersom det er behov for tenester som avlasting eller støttekontakt, kan ein søkje om det her