Prøver og opplæring

Offisielle norskprøver

Avsluttande prøver i norsk måler norskkunnskapar skriftleg og munnleg ut frå beskrivingane i det felles europeiske rammeverket for språk. Skulen arrangerer offisielle norskprøver to til tre gongar i året, etter fastsette datoar frå Direktoratet for høyere utdanning og kompetanse.

Jf. integreringslova / introduksjonslova er avsluttande prøve i norsk obligatorisk for personar med rett og plikt til opplæring. Det blir stilt krav til resultat på norskprøven for å få permanent opphaldsløyve og statsborgarskap.
  

Prøve i samfunnskunnskap og statsborgarprøver

Personar med rett og plikt til opplæring i norsk og samfunnskunnskap etter integreringslova / introduksjonslova, må dokumentere kunnskapar om samfunnet for å søkje om permanent opphaldsløyve. Dei kan bruke dokumentasjon på bestått samfunnskunnskapsprøve på valfritt språk, inkludert norsk.

Viss du er mellom 18 og 67 år, må du som hovudregel ha gjennomført godkjent opplæring i norsk og samfunnskunnskap og ha bestått prøver i norsk og samfunnskunnskap før du kan bli norsk statsborgar. 

Du kan gjennomføre statsborgarprøva eller samfunnskunnskapsprøva på norsk. Samfunnskunnskapsprøva på norsk har litt vanskelegare språk enn statsborgarprøva.

Du kan ta desse prøvene ved senteret gjennom heile året.

Opplæring i norsk og samfunnskunnskap

Mange innvandrarar må gjennomføre opplæring i norsk og samfunnskunnskap. Nokre får opplæringa gratis, medan andre må betale. Det er kommunen som skal gi tilbod om opplæringa. Det er 1 års frist for gjennomføring av opplæring og prøve i samfunnskunnskap, rekna frå startdato for vedtak om opplæringa. Frist for gjennomføringa av opplæring i norsk er 1 år, 1,5 år eller 3 år, alt etter kva utdanningsbakgrunn du har frå heimlandet ditt og kva land du kjem frå. Til høgare utdanningsnivå du har, til kortare opplæringstid i norsk har du rett på.

IMDI har informasjon om kven som har rett og/eller plikt til norskopplæring 

Kva betyr rett og plikt til opplæring?

Rett betyr at ein har rett på gratis opplæring etter læreplanen fastsett av Direktoratet for høgare utdanning og kompetanse. Om du ikkje fullfører opplæringa innan fristane må du betale for opplæringa sjølv. 

Plikt betyr at ein må ha gjennomført opplæringa for å kunne søke permanent opphald eller statsborgarskap seinare.

Senteret tilbyr norskkurs på ulike nivå og til ulike tidspunkt gjennom året.

Vi kan hjelpe deg

Har du spørsmål, eller vil du melde deg på?  Anne Kristin Myklebust er prøveansvarleg, og du kan treffe ho på både epost og mobiltelefon. 

Mobilnummer: 97 77 70 91

E-post: anne.kristin.myklebust@gloppen.kommune.no