Førebuande opplæring for vaksne

Vaksne som ikkje har fullført norsk grunnskule, eller ikkje har tilsvarande utdanning på minst ni år frå eit anna land.

Sjølv om du allereie har vitnemål frå grunnskulen, kan du ha rett til opplæring i einskilde fag dersom den tidlegare opplæringa har vore mangelfull.

For å ha rett til grunnskuleopplæring for vaksne må du oppfylle fire vilkår:

• Vere over opplæringspliktig alder (over 15 år) 
• Ikkje ha rett til vidaregåande opplæring 
• Ha lovleg opphald i Noreg, eller ventar på avgjerd av søknad om opphaldsløyve (gjeld ungdom under 18 år) 
• Ha behov for opplæringa 

Velg mellom

• Full førebuande opplæring for vaksne, FOV, i alle dei fem faga som trengst for å få vitnemål 
• Opplæring i enkeltfag 
• Opplæring i delar av fag 
• Opplæring i grunnleggjande ferdigheiter (å uttrykkje seg munnleg, lese, skrive, rekne, bruk av digitale verktøy)

Kunnskapane og ferdigheitene dine i faga bestemmer kor lang opplæringstid du treng. Opplæringa og undervisningsmateriellet er gratis

Kva fag tilbyr Gloppen opplæringssenter?

• norsk 
• matematikk 
• engelsk 
• samfunnsfag 
• naturfag

FOV består av ein grunnmodul og fire modular i kvart fag, og du får vitnemål når du er ferdig med alle modulane. 

Dersom du avsluttar opplæringa før krava er oppfylte, vil du får eit kompetansebevis som syner kva kompetanse du har oppnådd i dei ulike faga. 

Hvis du manglar berre eitt av faga kan du søkje om det i FOV. 

Du må fylle ut ein søknad for å få tilbod om opplæring

Gå til søknad her

Last ned papirskjema her (DOCX, 75 kB)  (søknadskjema i pdf-format, last ned, print og fyll ut)

Vår rådgjevar

May-Britt Indrebø ved Gloppen opplæringssenter, kan hjelpe deg med å fylle ut søknadsskjema dersom du ønskjer det.

Ta kontakt på mobil 99 08 55 17

Du kan også be andre om å hjelpe deg dersom du treng og ønskjer det.

Dersom ein annan søkjer på vegne av deg, må vedkommande ha fullmakt.

Gloppen kommune pliktar å rådgje alle som tek kontakt i høve FOV eller opplæring i grunnleggjande ferdigheiter og å gi deg som søkjar rettleiing jf. §11 i forvaltningslova.

Alle som søkjer om opplæring blir kalla inn til samtale med rådgjevar ved skulen. Til denne samtalen vil du bli beden om å ta med deg kopiar av stadfestingar i høve tidlegare skulegang. Deretter vil vi kartlegge din kompetanse gjennom ulike kartleggingstestar, slik at vi kan tilpasse opplæringa til ditt behov, både når det gjeld omfang og lengde på undervisninga.

Vår rådgjevar

May-Britt Indrebø ved Gloppen opplæringssenter 

Ta kontakt på mobil 99 08 55 17

Kommunen har plikt til å behandle søknaden din så snart som mogleg. Dersom svar på søknaden ikkje kan bli gitt innan ein månad, skal du få ei skriftleg grunngjeving og opplysningar om når kommunen ventar å kunne svare deg.

Oppstarten av tilbodet skal vere innan rimeleg tid etter at eit vedtak er fatta.

Undervisningslokale

Undervisninga foregår i Gloppen opplæringssenter sine lokale i Nordstrandsvegen 12.

Skuleruta

Opplæring føl vedteken skulerute for Gloppen kommune. Undervisning forgår på vekedagar måndag-fredag på dagtid

Gå til skuleruta

Viss du ikkje har eller ikkje kan få tilfredsstillande utbytte av det ordinære opplæringstilbodet for vaksne, har du rett til individuelt tilrettelagt opplæring, jf Opplæringslova §19-5.

Dersom du har særlege behov for opplæring for å kunne utvikle eller halde ved like grunnleggjande dugleik, har du rett til slik opplæring.

Meir informasjon

Gå til Opplæringlova 

Du som har rett til opplæring, har også rett til å verte realkompetansevurdert, dersom du ynskjer det. Realkompetansevurdering er eit tilbod om å få prøvd kunnskapane dine og få godkjent det du kan, i høve dei krav læreplanen stiller. Som vaksen kan du gjennom kurs eller arbeid ha tileigna deg kunnskap som fullt eller delvis dekkjer krava i læreplanen for den opplæringa du ynskjer.

Realkompetansen din kan dokumenterast og godkjennast som likeverdig med heile eller deler av opplæringa. Du treng ikkje opplæring i dei faga eller delane av faga som er godkjende.

Pris

Realkompetansevurderinga er gratis for vaksne med rett til opplæring.

Nasjonale retningslinjer

Gå til nasjonale retningslinjer  - utdanningsdirektoratet

Førebuande oplæring for vaksne er regulert av følgande:

Opplæringslova § 18-2 Rett til førebuande opplæring for vaksne

Opplæringslova § 19-5, andre ledd Rett til individuell tilrettelegging

Opplæringslova § 18-3 Rett til vidaregåande opplæring for vaksne

Forskrift til opplæringslova § 14-1