Skuleskyss i GloppenGrunnregelen for skuleskyss er:- Elevar i 1. klasse har rett på skuleskyss når skulevegen er meir enn 2 kilometer- Elevar i 2. til 10. klasse har rett på skuleskyss når skulevegen er meir enn 4 kilometer.- Elevar som har særleg farleg eller vanskeleg skuleveg har rett på skyss. Dersom avstanden er under skyssgrensa, er det kommunen som fattar vedtak og har det praktiske og økonomiske ansvaret.Sjå vedtak i sak 007/20 i oppvekstutvalet 30.01.2020Oversikta under syner vedtekne ordningar for kvar skule. Hyen skule (1.-10. klasse) Elevar frå Hope har om lag 3 km til skulen. Gjeldande ordning er at alle elevane i 1. til 7. klasse har kommunal skyss. Elevar som går i 8. til 10. klasse har kommunal skuleskyss i vinterhalvåret frå november til og med mars. Breim skule (1.-7. klasse) Elevar frå Hjelle har rett til skuleskyss frå 2. til og med 4. klasse.Elevar som bur på gbnr 108/6 (Egge) får drosje til og frå skulen. Det er fylkeskommunalt vedtak og kostnad. Elevar som bur på gbnr 107/9 og 11 (Gåsemyr) får busstopp i avkøyrsla til E39 om morgon og drosje heim på ettermiddag. Det er fylkeskommunalt vedtak og kostnad.Elevar som bur i Bjørnereimsura får skyss frå 1. til og med 4. klasse.Elevar som bur på strekninga mellom Fjellvegen 23 og Fjellvegen 28/Kruthusvegen får skyss frå 1. til og med 4. klasse. Elevar på 5. til og med 7. klasse på strekninga Fjellvegen 23 til og med avkøyrsla til Kruthusvegen får vinterskyss i perioden november til og med mars.Elevar frå Bjørnereim, Støyva, Felde, Hole og Sætre får fri skyss frå 1. til og med 4. klasse.Elevar som bur langs E39 på Fløtre får gratis skuleskyss i 1. og 2. klasse.Elevar i 5., 6. og 7. klasse som må gå langs riksveg 60 i 80-sona får skyss i perioden frå november til og med mars. Elevar i 2. til og med 4. klasse på strekninga frå Teita kryss langs Skuggesida (Fv695) til der grensa på 4 km slår inn. Vedtaket gjeld frå skuleåret 24/25. Nordstranda skule (1.-7. klasse) Elevar som bur i ytre Fjellbygda (vest for gbnr 68/16, Høgselva) får gratis skuleskyss heile året. Elevar som bur i Nordstrandsvegen 291/293 og vestover får gratis skyss til om med 2. klasse. Elevar som har meir enn 3,5 km å gå frå heimen langs fylkesveg 5731/Nordstrandsvegen har rett til gratis skyss til og med 3. klasse. Sandane skule (1.-7. klasse) Elevar som bur langs Søreidsvegen har gratis skuleskyss i 1. til og med 7. klasse. Elevar som bur i Bukta området (tidl. Mardal krins) har gratis skuleskyss i 1. til og med 7. klasse. Elevar som bur på Elvaneset og til og med Sørstrandsvegen 61 og 66 har gratis skuleskyss i 1. til og med 7. klasse. Elevar som bur i Grasdalen/Jarbrugda (Breimsvegen 239, 241 og 326) får gratis skuleskyss i 1. til og med 7. klasse. Gloppen ungdomsskule (8. – 10. klasse) Elevar som har bustadadresse i Arnestad bustadfelt har gratis skuleskyss. Elevar som bur frå og med Sørstrandsvegen 384 og vestover får gratis skuleskyss. Elevar som bur aust for Breimsvegen 239 og 241 (Jarbrugda), får gratis skuleskyss. Kontaktperson i Gloppen kommune: Per Arne Strand, kommunalsjef oppvekst, tlf. 95778875.Ønskjer du å kjøpe skulekort kan du ordne det hos Skyss.no Publisert 30.08.2023 09.37