Om planforslaget
Føremålet med planen er å legge til rette for vidareutvikling av bustadområdet sør i Åsen med blanda bustadar og tilhøyrande infrastruktur, samt ny gang- sykkelveg mellom Åsavegen og Eidsvegen. Planen legg til rette for bygging av totalt 25 til 33 nye bustader, både einebustader, tomannsbustader og konsentrerte bustader.
Planforslaget består av eit plankart og planføresegner som vil bli juridisk bindande ved eit eventuelt vedtak i kommunestyret etter høyringa, og ein planomtale som skildrar planforslaget. Resten av dokumenta er kunnskapsgrunnlag, til dømes rapportar og illustrasjonar av planlagt utbygging.
Du kan sjå og lese plandokumenta som er på høyring på lenka under (OBS: klikk på fane med “Planbehandlinger” og "Offentlig ettersyn"):
Arealplaner.no - Detaljregulering for Evebø
Politisk handsaming og vidare prosess
Samfunnsutvalet i Gloppen gjorde følgjande vedtak i møte 3. juni 2026:
SAMF- 037/26 Vedtak
Samfunnsutvalet legg forslag til detaljregulering for Evebø ut til høyring og offentleg ettersyn, i samsvar med plan- og bygningslova §§ 12-10 og 12-11. Før utlegging skal følgjande vere innarbeidd:
- 30 % av bueiningane innanfor planområdet skal vere tilgjengelege bustadar. Grunngjevinga er å sikre ei utbygging budd på den demografiske utviklinga i kommunen.
Samfunnsutvalet varslar samstundes at gjeldande reguleringsplan for del av gnr. bnr. 77/15 og 77/302 i Åsen (vedteken 28.01.1987) vil bli oppheva ved vedtak ny detaljreguleringsplan.
Administrasjonen får høve til å gjere redaksjonelle endringar i plandokumenta før dei vert sendt på høyring.
Samrøstes vedteke
Saksutgreiinga kan lesast her: Saksutgreiing SAMF- 037/26
Planføresegnene er oppdatert i samsvar med vedtaket i samfunnsutvalet. Det er også lagt ved eit nytt vedlegg, som består av ei klimagassberekning knytt til planomtalen kap. 7.11.2. Denne låg ikkje føre då saka vart handsama i samfunnsutvalet.
Planforslaget ligg no ute til offentleg ettersyn i 10 veker, til 21. august 2026.
Når høyringsfristen er ute vil kommunedirektøren samanfatte alle innkomne uttaler og vurdere desse før planforslaget blir lagt fram for slutthandsaming og vedtak. Berørte naboar og grunneigarar vil få tilsendt kunngjering etter vedtak.
Merknader til planforslaget
Du har høve til å kome med skriftleg uttale til planforslaget eller merknad til tiltaket, til dømes om arealbruk, omsyn eller andre relevante opplysningar.
Uttale skal merkast med «26/2017», og kan sendast via e-skjemaet:
Skjema for høyringsuttale (ID-pålogging)
Alternativ til elektronisk skjema:
Bruk «eDialog» (sikker digital post), send e-post til: postmottak@gloppen.kommune.no, eller post til Gloppen kommune, Grandavegen 9, 6823 Sandane.
Frist for å kome med uttale til planforslaget er 21. august 2026.
Har du spørsmål?
Spørsmål kan rettast til sakshandsamar, Åse-Birgtte Berstad.
E-post: ase-birgitte.berstad@gloppen.kommune.no
Tlf: 479 99 433