Send sikker post til Gloppen kommune
Mange sender dokument til kommunen via e-post. E-post kan vere ein usikker kanal, e-poster kan stoppast i spamfilter eller ikkje komme fram av andre årsaker.
Ved å nytte tenesta eDialog, kan du no sende oss dokument via ein sikker kanal. Vi oppmodar både privatpersonar og verksemder til å nytte eDialog til å sende dokument trygt inn til oss!
For å bruke tenesta, må du logge på/autentisere deg ved hjelp av ID-porten (MinID, BankID med meir).
Når du har logga deg inn, skal du fylle ut skjemaet og laste opp eventuelle dokument du vil sende oss (dokument må vere i PDF-format).
Slik kan du gjere om eit dokument til PDF-format: For Word-dokument vel du "Lagre som" og deretter filtype PDF. LibreOffice og OpenOffice har eigen knapp på verktøylinja som heiter "Eksporter til PDF".
Slik fyller du ut skjemaet
- Velg om du er privatperson/innbyggjar (fødselsnummer) eller om du representerer ei verksemd (organisasjonsnummer).
- Obligatoriske felt er merka med * (raud stjerne).
- Tittel: Kva dokument du sender og gjerne saksnummeret dersom dette er kjent.
- Kommentar: Gje ev. ein utfyllande beskriving av forsendelsen din.
- Husk å laste opp relevante vedlegg som (inntil videre) må vere i PDF-format.
- Klikk på "Send" - førespurnaden blir kryptert og sendt direkte til vårt sak/arkivsystem.
- Du får kvittering med referansenummer på e-post (frå svarut.ks).
Fordelen med å bruke eDialog
- Du sende informasjon gjennom ein sikker kanal
- Det gir ein sikker identifikasjon av kven som er avsendar
- Innsendt post blir sendt rett inn i vårt sak/arkivsystem
Vi anbefalar deg å bruke eDialog ved sending av dokument til kommunen, også når innhaldet ikkje er unnateke offentlegheita.
E-post kan framleis brukast for enkle spørsmål og førespurnader som ikkje skal journalførast i kommunen sitt sak/arkivsystem.
Du skal ikkje bruke eDialog dersom
- Kommunen har elektroniske skjema til formålet, f.eks. søknad om barnehageplass, søknad om stilling m.m. Klikk for oversikt på alle våre digitale skjema.
- Førespurnaden gjeld enkle spørsmål som ikkje skal journalførast hos oss, då kan du kan sende e-post til post@gloppen.kommune.no