Oppstart og høyring av planprogram
Samfunnsutvalet i Gloppen vedtok oppstart av kommunedelplan for naturmangfald og høyring av planprogram i møtet 2. september 2026.
Dette vil bli Gloppen kommune sin første kommunedelplan for naturmangfald, og planarbeidet skjer med tilskot frå Miljødirektoratet si Natursats-ordning. Føremålet med planen er å styrke kunnskapen om og auke kjennskapen til det lokale naturmangfaldet.
Planprogrammet skildrar korleis vi skal lage planen – det vil seie korleis vi skal legge opp prosessen, kva planen skal innehalde og korleis vi skal jobbe med medverknad i planarbeidet. Sjølve planen blir utarbeidd seinare i prosessen.
Les planprogrammet her:
Planprogram til høyring
Uttaler til planprogrammet
Planprogrammet ligg ute til offentleg ettersyn og høyring i 6 veker. Fristen for å kome med innspel eller uttale er 25. oktober.
Du kan sende skriftleg uttale innan fristen via elektronisk skjema under, til dømes om kva planen bør innehalde eller korleis prosessen bør leggast opp. Uttale skal merkast med sak 26/1686 og «Innspel til planprogram – Kommunedelplan for naturmangfald».
Gå til skjema for høyringsuttale (ID-pålogging)
Alternativ til elektronisk skjema: Send e-post til: postmottak@gloppen.kommune.no, eller post til Gloppen kommune, Grandavegen 9, 6823 Sandane.
Utarbeiding av planen skjer i 2027
Kommunestyret skal fastsette planprogrammet på møtet i desember. På nyåret startar arbeidet med sjølve planen, der vi skal samle kunnskap og gje planen innhald. Det blir då lagt opp til meir omfattande kunnskapsinnhenting, og tilrettelagt for innspel og medverknad slik det er omtalt i planprogrammet.
Når sjølve planen blir lagt ut på høyring hausten 2027 kan du også kome med merknader til denne.
Spørsmål og informasjon
Har du spørsmål om planarbeidet? Eller ønskjer du å informere oss om naturmangfald i kommunen?
Då kan du ta kontakt med Åse-Birgitte Berstad på e-post ase-birgitte.berstad@gloppen.kommune.no eller på telefon 479 99 433.