Godkjenning av innmarksbeite som spreieareal

All bruk av husdyrgjødsel på innmarksbeite krev no godkjenning frå kommunen. Dei som har dokumentasjon med tidlegare godkjenning frå kommunen slepp normalt ny godkjenning. Dei som ikkje har slik godkjenning må søkje om dette snarast.

Bernt Reed

Sakshandsaming skal opne for gjødsling der det er ønskjeleg, og skjerme mot gjødsling det det ikkje er ønska.

Bakgrunnen for dette er ny gjødselbruksforskrift som kom i februar. Den har som føremål å sikre gode avlingar, ta vare på det biologiske mangfaldet og redusere forureininga frå jordbruksareal. All spreiing av husdyrgjødsel på beite må no vere godkjent av kommunen. Frå 2028 vil det også gjelde bruk av mineralgjødsel.

Kommunen får truleg ein stor jobb med denne endringa og vi vil prioritere søknadar på areal der det har vore gjødsla tidlegare som ikkje har godkjenning frå før.

Det fleire kriterie som må vere på plass før ei eventuell godkjenning kan gjevast:

Arealet må kvalifisere som innmarksbeite
Arealet må bli beita
Arealet må ha tilgjenge for gjødsling, og ein må ha reell plan om å gjødsle arealet
Arealet må kunne påvisast i terrenget
Godkjent areal må innlemmast i gjødslingsplan