Slik søkjer du skjenkeløyve

Søknad om fast skjenkeløyve må opp til politisk behandling, først i helse- og oppvekstutvalet og så til vedtak i formannskapet. Sjå politisk møteplan!

Søk derfor i god tid - Søknadsfrist er seinast 4 veker før møtet!

Det er kommunen sin ruspolitisk plan som regulerer kommunen sin løyvepolitikk.

Etter planen kan det tildelast følgjande løyve:

• Skjenkeløyve for øl og vin
• Skjenkeløyve for brennevin

• Firmaattestar for alle selskapa som er involvert i drifta
• Skatteattest for driftsselskapet og løyvehavar (den som har det økonomiske ansvaret)
• Vitnemål som stadfestar at styrar og varastyrar har bestått kunnskapsprøve om alkohollova - skjenkeløyve
• Vitnemål som stadfestar bestått etablerarprøva for dagleg leiar
• Tilsettingsbevis/dokumentasjon som viser styrar og vara si tilknyting til staden
• Adkomstdokument (eit dokument som stadfestar at søkjar disponerer lokalet til det bruk som det vert søkt om, med start og sluttdato)
• Målsett teikning av inneareal der skjenkeareala er skravert
• Målsett teikning/plan for uteserveringa, med grunneigar si godkjenning påteikna (om søknad gjeld uteservering)
• Serveringslokalet/a må vere registrert hos Mattilsynet     

• Politiet må ikkje ha merknader til søkjaren sin vandel, dersom tilhøvet har noko med alkolhollova å gjere, eller anna lovgjeving som har samanheng med formålet i alkohollova
• Søkjaren må ikkje ha uoppgjorte skatte- og avgiftsrestansar
• Verksemda må ha godkjent serveringsløyve og vere registrert hos Mattilsynet
• For å ta i bruk tildelt løyve, må skjenkestyrar og varastyrar ha greidd kunnskapsprøva etter alkohollova. Styrar og varastyrar må være tilsett på skjenkestaden eller arbeide i verksemda i kraft av eigarstilling, sjå § 1-7c i alkohollova.

Sjå elles § 1-7b og 1-7c i alkohollova om krav til vandel og greidd kunnskapsprøve.

Søk om fast skjenkeløyve

Send eventuelle vedlegg pr post til:

Gloppen kommune
Grandavegen 9, 6823 Sandane

Skjenkeløyve for øl og vin kan tildelast:

I planen er det ikkje sett noko tak på talet på løyve i kommunen.

• Overnattingsstader, definert som hotell, motell og pensjonat.
• Serveringsstad med eige kjøkken
• Diskotek og pubar
• Utandørs serveringsareal, dersom arealet er klart avgrensa og ligg i naturleg tilknyting til skjenkearealet innandørs
• Selskapslokale
• Helse- og omsorgsinstitusjonar
• Den eller dei som har tilverkingsløyve

Skjenkeløyve for brennevin kan tildelast:

• Overnattingsstader definert som hotell, motell og pensjonat. Overnattingsstaden skal ha; rom med dusj/bad og toalett/resepsjonsservice/serveringslokale/salongareal med god standard
• Restaurant, serveringsstad og pub
• Slutta lag ved enkelte høve (ambulerande løyve)

Det kostar ikkje noko å få innvilga skjenkeløyve, men du må betale eit årleg løyvegebyr når du har eit skjenkeløyve.

Løyvegebyret finn du i alkoholforskrifta. 

Alkoholforskrifta - kap. 6 bevillingsgebyr

Alle sals- og skjenkestader må ha eit system og rutiner for å sikre at alkoholregelverket blir overhalde, gjerne fysisk i ein perm (IK-perm) . God internkontroll gjev enklare drift, tryggare tilsette og fornøgde gjester.

Internkontrollsystemet skal hjelpe til slik at verksemdene driv forsvarleg, det vil seie med lav risiko for brot av alkohollova og skade som følge av alkoholbruk.

Det er viktig at veksemder

1. Kartlegg utfordringar
2. Utformar førebyggande tiltak og rutiner
3. Føl opp verksemda sine tiltak og rutinar i dagleg praksis

Utfyllande informasjon med råd og eksempel på rutinar og tiltak finn du på Helsedirektorater si side