Slik søker du serveringsløyve

Kva er ein serveringsstad?

Ein serveringsstad er ein stad der det blir servert mat og/eller drikke, og lokalet er lagt til rette for å ete på staden. Døme er restaurantar, kaféar, konditori, gatekjøkken, kiosk, bensinstasjon og pub. Dette finn du i serveringslova kap. 1, § 2. Dersom du gjer deg næring av å reise rundt med eit mobilt gatekjøken el. skal du normalt ha serveringsløyve!

Slik søker du om serveringsløyve

Gå til søknadsskjemaet

Du vil bli bedt om å laste opp vedlegg, søknaden vil ikkje bli behandla før alle nødvendige vedlegg er mottatt.

Vedlegg til skøknad

• stadfesting på bestått etablerarprøve
• firmaattest
• skatteattest
• teikning av lokalet inne og ute (om du søkjer om utandørs servering)

Serveringsløyve blir i Gloppen gjeve av kommunedirektøren.

Løyvet gjeld berre på staden der det er søkt for

• Serveringsløyvet gjeld berre for den serveringstaden du har søkt løyve for og den løyvehavaren som står oppført i løyvet. Om du overdreg eller sel serveringsstaden din, må ny eigar søkje nytt løyve innan 30 dagar etter inngått avtale, elles fell løyvet vekk
• Ønskjer du å opne ny serveringsstad i tillegg til den du alt har løyve for, må du søkje om nytt løyve for den nye serveringstaden. Du kan ha fleire servingsløyver
• Det er ikkje tidsavgrensing på serveringsløyver

Serveringsløyve er ikkje nødvendig 

• For catering sidan kunden et maten ein annan stad. Døme er levering av mat til private selskap.
• For sal av vafler, pølser med meir i samanheng med små lokale arrangement, fotballturneringar, handballkampar og liknande, samt gratis servering av mat