Etablererprøven - kunnskapsprøve etter serveringslova

Alle som vil kan ta prøva. Før du kan opne ein serveringstad må du ha bestått etablererprøva. Dagleg leiar/styrar av ein serveringsstad må ha dokumentert kunnskap om serveringslova, og ha fylt 18 år.

Kravet er oppfylt ved bestått etablererprøve, eller utdanning frå Norsk Hotellhøgskule: HKR 230 Ansvarleg vertskap (bestått eksamen etter januar-05).

Kvar tek du prøva

Prøva tek du ved servicetorget i Gloppen kommune. Kontakt oss på telefon 57 88 38 00 for å avtale tid. Ta med gyldig legitimasjon. 

Lærebøker/nettbaserte testar kan du kjøpe på vinn.no

Praktiske opplysningar:

  • Kunnskapsprøva er ei elektronisk fleivalsprøve
  • Prøva tek du ved den som gjev løyve - Gloppen kommune
  • Du har 90 minutt på å ta prøva
  • 40 av 50 svar må vere korrekte
  • Tillatt hjelpemiddel er lovsamling og ordbok

 Du kan ta prøva på nytt heilt til du består, men det vert eit gebyr for kvar prøve du tek.

Kva kostar det

Kr 400,- pr prøve/gong.

Prøvebevis

Alle som har bestått får prøvebevis på dette. Ta godt vare på beviset då det er din dokumentasjon på at du har nødvendig kunnskap om serveringslova. Beviset gjeld på ubestemt tid.

Prøvene er berre på norsk

Grunnen er at dei skal teste løyvetakars kunnskap om norske lover og reglar som gjeld for serveringsverksemder. Lover/reglar finn ein i liten grad oversett til andre språk, og slett ikkje i offentleg godkjende oversettingar. Dette er på grunn av krav om høg grad av språkleg presisjon, noko som kan vere vanskeleg å gjenskape i ein oversetting.

Pensum

Test i kunnskap om økonomistyring og lovgivning av betydning for drift av serveringstader, som er serveringslova, skatte- og avgiftslovgivninga, konkurslovgivninga, regnskapslovgivninga, arbeidsmiljølovgivninga og alkohollova.

Prøva er basert på pensum for etablererprøven som ligg på vinn.no

Publisert 03.02.2023 11.40
Sist endra 03.05.2024 09.33