Om familiehjelpa i Gloppen

COS P foreldrekurs

COS P er eit rettleiingsprogram, primært for foreldre med barn i alderen 0-6 år. Foreldra får opplæring i Tryggleikssirkelen. Målet er å fremme trygg tilknyting til barnet. COS-kurs går over 8 samlingar.
Tilbodet kan ein få både i gruppe eller individuelt. 

ICDP foreldrekurs

ICDP er eit enkelt, helsefremjande og førebyggande program som har som mål å styrke omsorga og oppveksten for barn og unge. I Gloppen tilbyr vi ICDP primært til foreldre med barn i skulealder. 
Programmet finst i både standarversjon, som er for norskspråklege,  og ein fleirkulturell versjon.
Tilbodet kan ein få både i gruppe eller individuelt. 

PMTO foreldrekurs

Dette er eit terapeutisk tilbod til familiar med barn i alderen 4-12 som opplever at samspelet mellom foreldre og barn har blitt konfliktprega og fastlåst, og at barnet viser åtferdsvanskar. 
Tilbodet blir gitt individuelt.  Dette vil bli eit tilbod i kommunen frå januar/februar 2026. 

Foreldrerettleiing ved hjelp av video-opptak

Tiltak der familierettleiar filmar samspelssituasjonar mellom barn og foreldre i heimen med videokamera og gjev rettleiing ut frå dette. Tilbodet krev vedtak frå barnevernstesta. 
 

Tilbod til ungdom mellom 12 og 24 år som av ulike grunnar strevar med å vere på skulen. Ungdomslosen skal støtte og hjelpe ungdom og deira føresette , slik at ungdomen får auka skulenærvær, auka meistringskjensle og auka trivsel på skulen. Ungdomslosen samarbeider med skulen og hjelpeapparatet for å skape eit heilskapleg tilbod.

Kognitiv terapi rettar seg mot problemløysing og innsikt i samanhengen mellom tenking, handling og kjensler. Eit viktig mål med kognitiv terapi er å bryte sjølvforsterkande vonde sirklar som opprettheld psykiske helseproblem.
Tilbodet passar for eldre ungdom og vaksne.
 

Tilbod til barn og unge i alderen 8-18 år. Dei får trene på korleis dei kan påverke opplevinga av vanskelege situasjonar ved å sorterer tankar og følelsar.

Rettleiing
Behandling
Ved utviklingsvanskar og ved kroppslege utfordringar som hindrar aktivitet og deltaking
 

Musikkterapi gjev høve til utvikling og endring gjennom eit musikalsk og mellommenneskeleg samarbeid mellom terapeut og klient. Terapien tek utgangspunkt i barnet sine ressursar, og gjennom tilpassa aktivitetar og prosessar blir det arbeidd med å fremje livsmeistring, godt sjølvbilete, reguleringsevne og emosjonskontroll.

Samtalar for/rettleiing til barn og unge med vanskar i autismespekteret og deira foreldre

Menneske med vanskar i autismespekteret strevar ofte med sosialt samspel, kommunikasjon og gjentakande åtferd og avgrensa interesseområde. Opplæring om diagnosen og bruk av ulike verktøy , psyko-edukasjon, kan vere nyttig for å  meistre utfordringar i kvardagen betre.