Gjennom gode matvanar vil vi skape sunne haldningar saman med barna. Vi er bevisst på å la barna delta i førebuing av mat og måltid, få smake ulike typar mat, skape ei god atmosfære kring måltidet og ha fokus på gode vanar knytt til både måltid og maten vi et.

 Vi tilbyr barna smørjemåltid med brød og variert pålegg, frukt og grønt og varm mat. Vi har kjøkkenhagar der vi sår grønnsaker og har bærplantar, og kan forsyne oss direkte derfrå når tida er inne.

To gangar i veka får vi levert ferske grovbrød frå Vereide Bakeri As.

Vi er opptatt av å handle kortreist og lokalt, så i sesongen kjøper vi epler frå Tystad fruktgard, gulrøter og blåbær frå Bakketun og egg på Hjelle hønseri.