SAMF-019/24 Vedtak
Forslag til detaljregulering for Sandane Fjordterrasse og Fjordlandsbyen, med plan ID 2023002, vert i medhald av Plan- og bygningslova §§ 12-10 og 12-11 lagt på høyring og offentleg ettersyn, med vilkår om at tilbakemeldinga om trygg ferdsel og støytiltak vert innarbeidd i planforslaget før utlegging. Administrasjonen får høve til å gjere redaksjonelle endringar i plandokumenta før dei blir sendt på høyring og det vert teke atterhald om at kommunen kan kome med krav om justeringar i høyringsperioden.
Føremålet med planen
Planforslaget omfattar gbnr. 69/22, og skal leggje rette for inntil 25 nye bueiningar, lokalisert like nord for småbåthamna og strandparken, mellom Nordstrandsvegen i nordaust og Krånavegen i vest. Planforslaget legg opp til to byggeområde med tilhøyrande infrastruktur og parkeringsareal.
Sjå planbeskriving og vedlegg her
Merknader til planforslaget
Du har høve til å kome med skriftleg uttale til planforslaget. Til dømes om arealbruk, omsyn eller andre relevante opplysningar.
Uttale skal merkast med «24/2348», og kan sendast via skjemaet
Skjema for høyringsuttale (ID-pålogging)
Alternativ til elektronisk skjema:
Bruk «eDialog» Sikker digital post
Send e-post til: post@gloppen.kommune.no , eller
post til Gloppen kommune, Grandavegen 9, 6823 Sandane.
Vidare planprosess
Når høyringsfristen er ute, vil kommunedirektøren samanfatte innkomne uttaler og vurdere desse før planforslaget vert lagt fram for sluttbehandling og vedtak. Berørte naboar og grunneigarar vil få tilsendt kunngjering etter vedtak.
Frist for å kome med uttale er sett til 12.05.2024.