Sjekkliste til deg som har fått tilbod om Koronavaksine

Gå gjennom denne før du bestiller tid for vaksinasjon

Om du svarar ja på følgjande spørsmål, må du avklare vaksinering med legen din før du bestiller time. 

  • Har du tidlegare hatt alvorleg (livstruande) allergisk reaksjon på andre vaksinar, mat, medisinar eller anna?
  • Har du hatt allergisk reaksjon på denne vaksinen eller innhaldsstoffa tidlegare?

Du skal ikkje møte opp til vaksinasjon om du på vaksinasjonsdagen:

  • Har symptom på forkjøling, feber over 38 °C eller andre teikn på infeksjonssjukdom. 
  • Er isolert, ventar på testsvar eller er i karantene grunna covid-19.
  • Har vore gjennom koronasjukdom (covid-19) for mindre enn 3 månader sidan.
  • Har blitt vaksinert med annan vaksine i løpet av siste 7 dagar.
  • Er gravid utan å tilhøyre risikogruppe for alvorleg koronasjukdom.

Gje melding så raskt som mogleg til vaksinasjonsstaden. Vaksinasjonen vil då bli utsett.