1.1 Bakgrunn

Reglementet gjeld for fokevalde organ og administrasjonen.

Bakgrunn for kommunen sitt økonomireglement er kommunelova med desse forskriftene om budsjett, rekneskap og finansforvaltning:

• Forskrift om kommunale og fylkeskommunale årsbudsjett, jf. kommunelova § 46 nr 8
• Forskrift om kommunale og fylkeskommunale årsrekneskap og årsberetning, jf. kommunelova §48 nr 6
• Forskrift om rapportering frå kommunar og fylkeskommunar, jf. kommunelova § 49 nr 2
• Forskrift om kommunale og fylkeskommunale garantiar, jf. kommunelova § 51 nr 3
• Forskrift om kommunar og fylkeskommunar sin finansforvaltning, jf. kommunelova § 52 nr 2.

Forskriftene er hovudsakleg overordna og rammeprega, og det er derfor nødvendig for den enkelte kommune å fastsette ytterlegare reglar innanfor økonomiområdet i eit eige økonomireglement.

1.2 Føremål

Føremålet med økonomireglementet er:

• Å omtale kommunen sitt økonomi- og rekneskapssystem
• Å legge til rette for ei effektiv og forsvarleg økonomiforvaltning i kommunen
• Å legge til rette for ei god økonomistyring
• Å gje dei folkevalde eit godt grunnlag for avgjerd
• Å dokumentere viktige økonomirutinar.

Økonomireglementet er bygd opp med budsjett- og rekneskapsteori saman med rutinar for korleis kommunen løyser dei viktigaste spørsmål i eigen økonomiforvaltning.