tysdag 29. september 2020, 19:00 - 21:00

Informasjon

Edvard Hoem si første bok om slåttekaren blir teater
Om menneskeleg livskraft, mot, tvil og håp.
Klikk for stort bilete

Nesje, eller slåttekaren som han blir kalla, er enkemann og har ein son å ta seg av. Han finn kjærleiken på ny med Serianna, ei kvinne som røyker pipe og får Nesje med på seifiske. Gjennom eit liv med hardt arbeid og store val, blir ungeflokken større. Kvardagen er eit slit for å skaffe familien eit verdig liv, som hos så mange småkårsfolk langs Romsdalsfjorden. Draumen om ein ny start gjer at mange vel å selje ut, bryte opp og setje kursen over til det lova landet i vest. Gjertine, søstera til Serianna, drøymer om å dra, sjølv om ho er berre ungjenta. Det begynner å kome brev frå utvandrarar som fortel om ein frodig, men også ugjestmild prærie som skal bli til gardsbruk og heim.

Dei fire bøkene i slektskrønika Slåttekar i himmelen; “Slåttekar i himmelen”, “Bror min på prærien”, “Land ingen har sett” og “Liv andre har levd” har hatt eit opplag på eventyrlege 330 000 bøker og vunne ein stor lesarskare. Bentein Baardson har regien på Slåttekar i himmelen, ei oppgåve han ser på som ei stor utfordring. – Eg gler meg og kjenner ærefrykt i møte med slåttekaren, seier regissøren. Kristian Lykkeslet Strømskag skal dramatisere romanen, Arne Nøst har scenografien, medan Ingrid Nylander har ansvar for kostyme.

”Slåttekar i himmelen” er ein samproduksjon mellom Teatret Vårt i Molde og Det Norske Teatret i Oslo. Framsyninga har urpremière den 7. mars 2020 på Hovudscenen i Oslo. “Slåttekar i himmelen” skal på turné i Møre og Romsdal i perioden 15. august til 26. september, før dei gjestar Sogn og Fjordane 29. september - 1. oktober.

AV Edvard Hoem
DRAMATISERING AV Kristian Lykkeslet Strømskag
REGISSØR Bentein Baardson
SCENOGRAF Arne Nøst
KOSTYMEDESIGNER Ingrid Nylander
VIDEODESIGNER Reidar Andreas Richardsen
LYDDESIGNAR Nils Wingerei
LYSDESIGNAR Torkel Skjærven
DRAMATURG Carl Morten Amundsen

SKODESPELARAR Jon Bleiklie Devik, Heidi Gjermundsen Broch (Oslo)/Kjersti Botn Sandal (Møre og Romsdal og Sogn og Fjordane), Sara Fellman, Bjørnar Lisether Teigen, Julie Støp Husby, Svein Roger Karlsen, Unn Vibeke Hol, Andreas Koschinski Kvisgaard.

Billettar

Kjøp her

Billettar kan også kjøpast ved servicetorget på heradshuset eller i Trivselshagen sin kafè.

Stad


6823 Sandane

Tlf.: 57883800

URL: http://www.trivselshagen.no

Kontakt


 

Legg til hendinga i din kalender

Filter

Søk