NB! Søknadsfrist seinast 4 veker før møte i helse- og oppvekstutvalet, endeleg vedtak i påfølgjande møte i formannskapet.
Den som vil selje alkoholhaldig drikkevare, må søke kommunen om salsløyve. Løyve vert ikkje gjeve til bensinstasjon eller kiosk. Salsløyvet gjeld drikk som inneheld over 2,5 og høgst 4,7 volumprosent alkohol.
Kommunalt salsløyve for bryggeri gjev rett til produksjon for sal i eiga verksemd direkte til forbrukar. Slikt løyve kan ha inntil 22 volumprosent alkohol.
Dersom det skjer endringar i løyve må dette meldast til Gloppen kommune! Dette kan til dømes skje ved skifte av styrar og vara, endringar i driftskonsept eller endringar i eigarforhold. Meld frå på eige skjema, ny og oppdatert godkjenning vert sendt dykk.
Løyvet fell bort dersom verksemda vert overdregen til andre. Verksemda kan likevel fortsette på det tidligare løyvet i inntil tre månader. Føresetnaden er at løyvemyndigheit (kommunen) er underretta om dette. Det må søkjast om nytt løyve så snart som råd og seinast innan 30 dagar etter overtaking.
Kriterium/vilkår
Løyvesøkjar og personar som har vesentleg innflytelse på verksemda, må ha utvist uklanderleg vandel. For kvart løyve skal det utpeikast ein styrar med vara. Begge må ha bestått kunnskapsprøva om alkohollova. Dei må vere over 20 år, arbeide i verksemda og oppfylle dei krava som alkohollova stiller.
Løyve vert tildelt etter ei vurdering ut i frå skjøn.
Samarbeidspartnarar
• Vaktselskap/kontrollørar
• Lensmann/politi (skal uttale seg om søkar og sentrale personar sin vandel)
• Skatteetaten (skal kontrollere/uttale seg om at løyvehaldar overheld skatte-, avgifts- og rekneskapslova)
Regelverk:
Lov om omsetjing av alkoholhaldig drikk (alkohollova)
Lov om serveringsverksemd (Serveringslova)
Lov om behandlingsmåten i forvaltningssaker (forvaltningslova)
Handbok i alkohollova (Helsedirektoratet)
Forskrift om omsetnad av alkoholhaldig drikk (Alkoholforskrifta)