NB! Søknadsfrist for skjenkeløyve er seinast to veker før arrangementet finn stad!
Her kan du søkje om skjenkeløyve til servering og sal av alkoholhaldig drikke. Du vel mellom enkelthøve eller ambulerande løyve:
- Skal du arrangere bygdakveld, revy, festival eller andre opne arrangement, vel du skjenkeløyve for enkelthøve (øl og vin).
- Skal du arrangere eit privat lukka selskap slik som bursdag, jubileum, firmafest eller bryllaup med inviterte gjester? Då vel du ambulerande skjenkeløyve (øl, vin og brennevin)
Du må følgje desse reglane:
- Aldersgrense for brennevin er 20 år. Aldersgrense for øl og vin er 18 år.
- Du skal ikkje servere alkohol til tydeleg rusa personar, eller personar som ser ut til å bli tydeleg rusa.
- Det er ikkje lov å drikke medbrakt alkohol, eller ta med alkohol ut av lokalet/skjenkestaden.
- Du som er ansvarleg for løyvet pliktar å ha kontroll med all bruk av alkohol på det nemnde arrangementet.
- Ansvarleg for løyvet må passe på at skjenking av alkoholhaldig drikke foregår på ein slik måte at reglane i gjeldande lov og forskrift vert haldne , og at alkoholpolitiske omsyn vert ivaretekne.
- Du må halde deg til den skjenketida som er gitt i løyvet.
- Du må betale eit løyvegebyr til kommunen for godkjent løyve.
- Skal du ha utandørs servering, krev vi beskriving av uteområdet.
Kommunen sin skjenkekontrollør kan kome på uanmeldt kontroll av skjenkestaden.
Meir informasjon om regelverket for skjenkeløyve enkelthøve/amulerande finn du på heimesida til kommunen.